الهدم سهل والبناء صعب
هل تأملت في كيفية هدم عمارة ضخمة ؟ كم من الوقت تأخذ؟ بالوسائل الحديثة الان تتحول البناية بأكملها الي كوم تراب في دقائق معدودة.
اما بناء العمارة فياخذ شهور طويلة وخاصة التشطيبات والمياة والكهرباء
ايضا العلاقات الانسانيه بين البشر
قد تستغرق علاقة ما سنين طويلة من البناء حتي تصل الي شكل جميل ومستوي عالي من الثقة
ولكن في لحظة غضب او غيظ يتم نسف كل هذه السنوات من البناء بكلمة او جملة واحدة
تنعدم الثقة
ويتحول الحب الي حقد
الحنان يتحول الي انتقام
هل تقابلتم مع زوجين عاشوا مع بعض ثلاثين سنة وأنقلبوا الي أعداء يتسابقون لهدم أنفسهم وهدم بيوتهم في ساحات المحاكم؟
اصدقاء تحولوا الي اعداء؟
عشاق تحولوا من الحب والهيام الي الكره والبغض؟
العلاقات الانسانية يتم هدمها بسهولة شديدة ووقت قصير
تقابلت مع مهندس ديناميت في يوم من الايام وتجاذبنا اطراف الحديث وقال لي انه يستطيع هدم الحي كله في دقائق معدودة بوضع صوابع الديناميت بشكل هندسي معين
عند تمهيد الطرق يتم نسف جبال باكملها كالقطع في صينية البسبوسة
هل نتذكر هذا عند وقت الغضب؟
هل تريد ان تخسر علاقة عمرها سنوات بسبب جملة او كلمة؟
هل تصمت حتي تحافظ علي صديقك؟
هل تتحمل كلمات قاسية حتي تحمي العمارة من السقوط؟
……………
………………..
…………………………
الحقيقة طز في العمارة خليها تقع وأبني غيرها جديدة وبتصميم جديد..
كمان ثمن الارض تضاعف عده مرات وممكن تطلع برج بدل العمارة…
حتي كانت عمارة سكه يا راجل جابت النحس…
شيل ياراجل بلا قرف
التجهيز لإستخدام الديناميت خلال بناء سد دوقلاس في عام 1942
الديناميت هو ماده شديدة الانفجار يتكون أساسا من النيتروغليسيرين و السيليكون أو حجر الصوان الغني بمادة السيليكون، و هو على شكل معجون.
اخترعه العالم السويدى الفريد نوبل للاستخدام في حفر المناجم وذلك عام 1964م .
تحول اختراعة الموجة لمساعده العمال و التحفيف عنهم إلى اداه للحرب.
يعتبر الديناميت في الوقت الحالى من الانواع شديده التخلف نظرا لاستحداث العديد و العديد من الاسلحة المستخدمة في الحروب و المواد شديدة الانفجار.
يختلف الدينامبت عن التي ان تي بسهولة تفجيره مقارنة بالاخير وهو حساس للاحتكاك والصدمات على عكس التي ان تي الغير حساس لهما .
استاذى الغالي جدا لو تصدق من نصف ساعة فقط فتحت السايت دة وحاولت الاقى موضوع جديد لاانك منذ فترة لم تكتب
اشكر ربنا لاانى رائيت لك مرة اخرى خواطر
المرة دى بقولك لاء مش ممكن الحب يتحول لكراهيه ولا يمكن ان ننسي احدا بمجرد كلمة او موقف فقد يكون من نحبه ونحترمة تحت ضغط معين وبالحب نغفر مهما بعد هو عننا ولكننا لا بعد عنة
By: انت وبس on ديسمبر 28, 2008
at 5:16 م
المبنى بيتنسف بعفار كتير يعمى البصر بالظبط زى ما الغضب بيعمى القلب
لكن العلاقة الانسانية بتتهدم على دماغنا و بنطلع منها مجروحين
للاسف بعض الناس بتتحول لوحوش و النوع ده بيكون بيعرفك للمصلحة والعلاقة معاه غلط من اساسها
من المنظور المسيحى المحبة لا تسقط ابدا لكن برضه المحبة لا تلغى العقل
احذر عدوك مرة و احذر صديقك الف مرة لألا يينقلب الصديق عدوا فيكون اعلم بالمضرة
By: ashmarie on ديسمبر 28, 2008
at 7:54 م
حقيقي رغم روعة الموضوع لكن صعب قوي ان علاقة اتبنت في سنوات طويلة تضيع لمجرد كلمة أو غلطة
الخطية كان عقابها الموت ولأن الله أحب الانسان فبذل ابنه الوحيد فداء لكي يتصالح الانسان مرة اخري مع الله
ممكن زوجين يعيشوا مع بعض 30 سنة لكن في المسيح مش ممكن يفترقوا أما عند الآخرين فممكن يطلقوا ويدخلوا المحاكم ويحصل انهيار
عندك حق ممكن تشيل العمارة وتبني برج وفيه اسانسير و رووف وله حارس وشياكة ع الآخر لكن للأسف عمره ما هيكون بنفس الروح اللي كانت بيه العمارة ولا فيه نفس العصافير اللي بتزقزق في البلكونة ولا ظلاية شجرة العنب القديمة لا طعم القلة في المشربية
وهيفضل جوانا جرح لا ينتهي وذكر يات لا تموت وحاجات كتير حلوة ضيعناها في لحظة غضب
افتكر لحبيبك كلماته الحلوة ومواقفة الحلوة بلاش تفلسف الأمور وتاخدها بمنظور الغضب التمس له العذر
وافتكر ان ده الانسان اللي كنت بيوم بتقلق عليه وتفرح لما تسمع صوته وتموت لما يكون نفسك تشوفه ومش عارفة
افتكر انه هو كمان كان بيجري عليك وبيفرح بيك وبيتمني يرضيك واخيرا …
المحبة تحتمل كل شئ … المحبة لا تسقط أبدا … مياة كثيرة لا تستطيع أن تطفئ المحبة ..و السيول لا تغمرها
و كمان …
احتملوا لا في ضيق و لا في مرارة قلب ..
إنما في حــب شاعــرين أن كـــل إنسـان له ضعفــاتــه…
مش كده والا ايه ….
و ربمـــا أعــذاره أيضــا التي لا تعرفـونهــا …
اختبروا محبتكم بهذا الاحتمال , لتعرفوا مدي سلامتها
ولو كان اللي بتقوله ده صحيح كان زمان هيئة الآثار شالت ابو الهول من زمان وشيدت مكانه أي تمثال آخر
By: عيون مريم on ديسمبر 29, 2008
at 12:55 م
من فضلك استاذى الغالي اكتب باستمرار واكتب اى حاجة
كل حاجة منك مقبولة المرة الجاية افتكر تكتب عن ناس بتحب
بتحب بجد ومن غير اى مصالح من اى نوع وصدقنى ناس كتير
كدا ومش بتسي افضال من لهم فضل فى حيانتا
By: انت وبس on ديسمبر 29, 2008
at 7:47 م
فعلا هذه الايام الاخيرة الي تكلم عنها الرب يسوع الام على بنتها الاب على ولده الكنة على حماتها الكره الحقد الحسد السرقة مالية الدنيا حتى الحب الي نبنى بسنين بيروح لما ننظر للمال زواج بينهد بثواني شيئ محزن اهم حاجة دلوقتي هي مصلحة وبس يار ارحمنا مقال جميل بيحرك اشياء داخلنا وبيخلينا نفكر ونقول دوسي يا نفسي بعز على مشتهيات العالم محتجين محبة والمحبة صعب تتلاقى الا لما يكون المسيح مالي حياتنا كلها الرب يبركك اخي متجلي وحشنى مقالتك نتمنا مطولش علينا بكيتاباتك
By: بنت المخلص on ديسمبر 30, 2008
at 8:21 م
الانسان المحب في اي علاقه كانت بيسامح و يغفر و يستحمل
في حاله كانت الاساءه كانت كلاميه فقط يعني ساعه غضب و
كلمتين طلعو وحشين من غير تفكير بشرط ان الطرف الي غلط
رجع و اعتذر ساعتها الحب الي بينهم هايخليهم يعدو الموضوع كانه لم يكن
لاكن ممكن الاساءه تكون عن قصد و تدبير و تخطيط مش ساعه
غضب و تعدي مرحله الكلام الجارح توصل لفعل الشر لقصد تدمير
الشخص الاخر و توصل لموته كمان ساعتها ماينفعش المسامحه
او النسيان يبقي طوز في العلاقه دي مهما كانت من سنين لان
ده مبقاش صديق او حبيب ده بقي عدو ولازم يترمي في صفيحه
الزباله هو و سنينه و زكرياته و يوقف عند حده و يعرف حجمه و
مسواه الواطي الي جاي منه و تربيه الشوارع الي اترباها .
By: PRINCESSE MOURA on يناير 1, 2009
at 4:09 م
مين اللى قال ان الهدم اسرع من البناء.
البناء ممكن ياخد ثلاث اربع سنين علشان بس تتبنى بس اللى بيهد بياخد منه سنين كتيرة علشان يتحول من انسان الى مجرم اى ان الواحد مش بيبقى مجرم فى ايام. حتى الكره مش وليدة اللحظة علشان كدة لازم نبنى العلاقات الانسانية من الصغر وإلا ح نكبر و فينا جزء خفى من الكره.
ممكن نبتدى من دلوقت بس النتيجة بتاخد وقت على ما تبان علشان كدة لازم نبتدى بسرعة و الوقت اللى نأخد علشان تنفيذ هذا القرار يكون سريع.
لا أحد يضع يده على المحراث و ينظر اللى الخلف.
By: كانى on يناير 1, 2009
at 4:34 م
فكرت ممكن اكتب ايه فلقيت انى اعبر بطريقه مختلفه وهى انى اخد من تعليقات الاخرين مااحسست به فكل من استعنت بجمله من تعليقه ارجو انه مايزعلش او ينزعج من كده واللى مش حيقبل الاقتباس فانا اسفه له مقدما……
مش ممكن الحب يتحول لكراهيه ولا يمكن ان ننسي احدا بمجرد كلمة او موقف فقد يكون من نحبه ونحترمة تحت ضغط معين وبالحب نغفر
ممكن تشيل العمارة وتبني برج لكن للأسف عمره ما هيكون بنفس الروح اللي كانت بيه العمارة وهيفضل جوانا جرح لا ينتهي وذكر يات لا تموت وحاجات كتير حلوة ضيعناها في لحظة غضب
افتكر لحبيبك كلماته الحلوة ومواقفة الحلوة بلاش تصعب الأمور وتاخدها بمنظور الغضب التمس له العذر
وافتكر ان ده الانسان اللي كنت بيوم بتقلق عليه وتفرح لما تسمع صوته وتموت لما يكون نفسك تشوفه ومش عارف
افتكر انه هو كمان كان بيجري عليك وبيفرح بيك وبيتمني يرضيك واخيرا …
المحبة تحتمل كل شئ … المحبة لا تسقط أبدا … مياة كثيرة لا تستطيع أن تطفئ المحبة ..و السيول لا تغمرها
و كمان …
احتملوا لا في ضيق و لا في مرارة قلب ..
إنما في حــب …ولكن السؤال مين يقدر ينفذ ؟؟؟مين له كل هذه القدرة على الاحتمال؟؟؟
الجواب :استطيع كل شىء فى المسيح الذى يقوينى
كما قال الكتاب وكلامه لايزول وايضا قال جرحت فى بيت احبائى ….ولكنه احتمل حتى الموت لان(المحبه قويه كالموت)…وان كان لى كل الايمان حتى انــــــــــقل الجبــــــــــــــــال ولكن ليس لى محبه فلست شيئا…فالحل واضح(المحـــــــــــــــــــــــــبـة)
By: OM-ELNOOR2007 on يناير 1, 2009
at 4:50 م
“المحبة لا تسقط ابدا”اذا احببت فعلا و بصدق لن تقف محبتك الاخر امام اية عواصف مهما اشتدت.
“المحبة لا تظن السؤ”اذا احببت فعلا و بصدق لن تظن السؤ فيمن تحب لان المحبة تعلو على كل سؤ فهم.
الحب مغفرة و للعلم ان من اصعب التجارب التى يمكن ان يمر بها الانسان هى الغفران……و لكن لن تصعب ابدا على من يحب فعلا و بصدق!!!!!!!!!
By: sara_geo_love on يناير 1, 2009
at 7:32 م
هل هناك علاقة بين الزع وهذا الموضوع ؟ ام انها صدفة ؟
By: Z.3 on يناير 2, 2009
at 2:33 م
اختلف مع رئي ان الهدم اسهل من البناء انك تهدم كيان عاش معاك سواء كان مكان او صديق ليه في قلبك مكان او ذكريات حلوة اوحتي مش حلوة مفيش حاجه بتضيع كل كلمه بتعلم في قلبك الكيان داه انت عشت معاه في حزنه وفي فرحه بنيت معاه الكيان داه طوبه طوبه في مكان كان ارض خاليه لحد ما اصبح عماره جميله مش هيهون عليك تهدها هتحاول اصلاحها ولو الظروف كانت اقوي منك ونسفت العماره الجميله او الصداقه هيستمر في قلبك حب للمكان والكيان داه واحترام لذكري كانت جميله في حاله لو كانت العماره تستاهل انك تفتكرها بس لو مش تستاهل انا مع الهدم الفوري والديناميت هديه مني
By: BENT_CHIRST10 on يناير 2, 2009
at 2:55 م
كل العلاقات بين البشر محكومة بطبيعة ونفسة وشخصية البشر انفسهم وهذه تحدد مصير هذه العلاقات…
بمعنى في علاقة بين شخصين تكون من قوة الاساس ما لا يقدر اي ديناميت ان ينسفه او اي عاصفة ان تهدمها , اي نعم قد تهتز لبعض الوقت لكن لا تهدم….
وفي علاقة مبنية على شروط معينة, عند عدم توفرها تكون العلاقة مهزوزة ومعرضة للهدم لاتفه الاسباب,كالبيت الذي اكلت اساسه السوس…طالما في صيانه وادامة وصرف !! فهو قائم ,اي تهاون في ما تقدم يعرض البيت للدمار….
نرجع الى الاساس وهو إن لم يبن الرب البيتَ فباطلا تعب البناءون
By: johneagl on يناير 2, 2009
at 10:56 م
العلاقة التي مبنية صح مستحيل اي ديناميت يسطتيع ان يفجرها الحب الي مبني صح والي المسيح بانيه صعب اي قوة تهده لكن الي بيسمح لي ابليس ان يدخل حياته ويتربع وقتها بينهد كل شيئ عمل ابليس هو التخريب الحياة صعبة وملك هذا العالم هو ابليس وعمل ابليس هو تخريب العلاقات بتمنا نكون قريبين من الرب كي نحتمي بمحبته ويعطينا حكمة لبناء حياة سعيدة انهد بحياتنا اشياء كثيرة صحيح صعب ترجع مثل ماكانت ولكن النعمة الي اعطاها الرب لينا هي بتغفر الرب يبارك الجميع ويبعد كل هدم فحياته الرب يباركك متجلي ويعطيك سؤل قلبك
By: سحر الشرق on يناير 6, 2009
at 9:00 م
صحيح ساعات الواحد يغضب و يقول كلام ممكن يهد بيه كل شىء
لكن مو ممكن يببيع بسهوله كده
ساعات الغضب بتجى على انسان ده عادى بياخد وقت و يروح
بس الى بيحب مو بيكرهه….. و لا بيعرف يبيع بسهوله
مو بعرف ده رءاى انا
By: Sainte Rita on فبراير 5, 2010
at 6:05 ص
كنت فى مرور فى تدويناتك استوقفتني تلك التدوينة استاذى عم متجلي
وقرأت الردود من زوار المدونة الاعزاء لكن لم اجد منهم احد استوقف عند اللحظة ذاتها لحظة البناء والهدم احيانا يكون البناء فى مكانه الصحيح والهدم كذلك فى مكانه الاصح هل الهدم دائما هو السيء اكيد لا استاذى قد تكون كلمة هدم فى حد ذاتها تختلف من فرد الى اخر اعطيك مثلا اخر كلمة ثلوج بعض الناس تذكرّهم كلمة ثلوج بكرات الثلج ، والزلاجات ، والتزحلق على الجليد . وتمثال الثلج الذي بنيه الأطفال عند تساقط الثلوج مما تشكل لهذه الفئة من الناس أحداثا سعيدة .
أما البعض الآخر فان كلمة ( ثلوج ) تطبع في أذهانهم صورة مناقضة تماماً للصورة التي في ذهن الفئة الأولى
فهي تذكرهم ببطارية السيارة التي توقفت بسبب الثلج ، وبالطقس البارد المقترن بالكآبة وببرك الوحل الناتجة عن الثلج المتساقط .. أي انه باختصار سيحمل مع للفئة الثانية مليئة بالمعاناة ! خذ في اعتبارك إن الثلج ذاته لا يعنيه كيف تفكر به ؟ لا يبالي الثلج إن اعتبرته مناسبة سعيدة ، أو مؤلمه ! الثلج ذاته لا يحمل معنى محدداً ، فهو يأتي ويذهب و أنت من يجعل قدومه مناسبة سعيدة أو بالعكس .. أنت – بنمط بتفكيرك – تحدد شعورك تجاه تساقط الثلوج ، وليس ما يرافق تساقط الثلوج من أحداث .. نظرتك وتفكيرك حول موضوع تساقط الثلوج هو الذي يحدد مشاعرك تجاهه .
.. كذلك كلمة بناء وهدم انت من يحدد مدى تأثيره على حياتك
بوركت تدوينة رائعة
بالتوفيق
والى الامام
By: sun ali on أكتوبر 16, 2010
at 6:58 م